Plantun de Prouvènço

Pèr coumpara dos planto d'encò nostre

Caltha palustris & Campanula scheuchzeri subsp. lanceolata

Gauche-d'aigo

Caltha palustris

Ranunculaceae

Àutri noum : Gauchet-d'aigo, Peirouleto, Bescuchèu, Erbo-dóu-marfoundemen.

Noms en français : Populage des marais, Caltha des marais.

Descripcioun :
Au nostre, lou gauche-d'aigo se vèi soulamen en mountagno que i'agrado lis endré fres e bagna. Douno un pau d'èr à l'auriheto, Ficaria verna, emé si flour jauno, pamens li fueio soun eici redouno, en couor à la baso, ço qu'a douna li noum de peirouleto (pichot peiròu) e de bescuchèu (pichot bescue).

Usanço :
La planto caup, coume lis àutris Ranunculaceae, de proutou-anemounino, pamens li jóuini fueio e flour podon èstre manjado. Autramen fau faire couire mant'un cop la planto o la faire seca. Èi counseiado pèr lucha contro lou mau d'os. Èi peréu sudourifico (erbo-dóu-marfoundamen), antispasmoudico e sedativo. Fretado sus la pèu levo la doulour e fai veni rouge (rubeficanto).

Port : Erbo
Taio : 15 à 60 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Caltha
Famiho : Ranunculaceae

Ordre : Ranunculales

Coulour de la flour : Jauno
Petalo : >6
Ø (o loungour) flour : 2 à 4 Cm
Flourido : Printems - Estiéu

Sòu : Ca
Autour basso e auto : 800 à 2300 m
Aparado : Noun
Abriéu à juliet

Liò : Riéu - Prado umido - Palun - Sourgènt
Estànci : Coulinen à Subaupen
Couroulougi : Bourealo
Ref. sc. : Caltha palustris L., 1753

Campaneto(-de-Scheuchzer)

Campanula scheuchzeri subsp. lanceolata

Campanulaceae

Nom en français : Campanule à feuilles lancéolées.

Descripcioun :
Aquesto campaneto trachis dins li pelouso de mountagno. Èi di proun chanjadisso. Li fueio de la baso, óuvalo em'un pecou, an despareigu à la flourido. Aquésti de la cambo soun estrecho en formo de lanço. Pòu èstre un pau peludo. Li boutoun, coume li flour (uno à douge), pendoulon pulèu toujour dóu meme coustat. La subsp. lanceolata èi pu grando, fai pu de flour que lou tipe, em'uno racino bóujoulado .

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 20 à 80 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Campanula
Famiho : Campanulaceae

Ordre : Asterales

Coulour de la flour : Vióuleto
Petalo : 5
Ø (o loungour) flour : 1,2 à 2,5 cm
Flourido : Printèms - Estiéu

Sòu : Ca
Autour basso e auto : 800 à 2200 m
Aparado : Noun
Jun à avoust

Liò : Pelouso - Relarg à jóuinis aubret
Estànci : Mountagnard à Subaupen
Couroulougi : Ouroufito-Sud-Éuropenco
Ref. sc. : Campanula scheuchzeri subsp. lanceolata (Lapeyr.) J.M.Tison, 2010

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Caltha palustris & Campanula scheuchzeri subsp. lanceolata

ges

Coumpara Gauche-d'aigo emé uno autro planto

Coumpara Campaneto(-de-Scheuchzer) emé uno autro planto